ՀՀ դատավորների միությունը արդարադատության բնագավառում երկարամյա աշխատանքի, զգալի ներդրման և ծննդյան 65-ամյակի առիթով պատվոգրեր է շնորհել Արարատի և Վայոց ձորի մարզերի առաջին ատյանի ընդհանուր իրավասության դատարանի  նախագահ Գագիկ Քերոբի Սարգսյանին եւ Լոռու մարզի առաջին ատյանի ընդհանուր իրավասության դատարանի դատավոր Գուրգեն Սողոմոնի Գագիկյանին:

Վարչապետ Փաշինյանը մամուլի ասուլիսում ևս մեկ անգամ բացառեց դատավորներին իր կողմից որեւէ հեռախոսազանգ կատարելը եւ վստահեցրեց՝ դա անհրաժեշտ պայման է դատական անկախ համակարգ ունենալու համար. «Եթե մենք դա իրականում երաշխավորենք, դատական համակարգում հենց ներսից պրոցեսներ կսկսվեն, որոնք արդյունքում կբերեն դատական համակարգի իրապես անկախացման»:

ՀՀ դատավորների միության պատվիրակությունը մասնակցել է Եվրոպայի խորհրդի՝ «Աջակցություն  քրեական  արդարադատության բարեփոխումներին Հայաստանում.  դատաիրավական  բարեփոխումների քրեական  բաղադրիչը  և  եվրոպական  չափանիշների  կիրառության  պրակտիկայի  ներդաշնակեցումը»  ծրագրի  կարիքների  գնահատման հանդիպմանը:

Ծրագիրն իրականացվելու է մինչեւ  2020 թ. դեկտեմբերը: Այն ֆինանսավորվում  է  Եվրոպական  միության  և  Եվրոպայի  խորհրդի  Գործընկերություն  հանուն  լավ  կառավարման  կառուցակարգի  շրջանակներում:

Դատավորների միջազգային միության անդամների միջեւ համագործակցության շրջանակում Հայաստանի դատավորների միությանն է դիմել Պորտուգալիայի դատավորների միությունը՝ խնդրելով մասնագիտական կարծիք տրամադրել ընտանիքում բռնության կանխարգելման ՀՀ իրավակարգավորումների և փորձի մասին: Մեր երկրում ՙՙԸնտանիքում բռնության կանխարգելման, ընտանիքում բռնության ենթարկված անձանց պաշտպանության և ընտանիքում համերաշխության վերակագնման մասին՚՚ օրենքն ընդունվել է 2017 թվականի դեկտեմբերի 13-ին: