ՀՀ կառավարությունը կքննարկի դատավորների սոցիալական երաշխիքների ապահովման հետ կապված նախագիծ: Դրանով դատավորները կներառվեն սոցիալական փաթեթի շահառուների ցանկում: Այս մասին Աժ-ում՝ Կառավարության ծրագրի քննարկման ժամանակ, հայտնեց ՀՀ վարչապետ Նիկոլ Փաշինյանը` պատասխանելով «Իմ քայլը» խմբակցության պատգամավոր, ՀՀ ԱԺ պետաիրավական հարցերի մշտական հանձնաժողովի նախագահ Վլադիմիր Վարդանյանի հարցին:

ՀՀ վերաքննիչ քրեական դատարանը՝ նախագահությամբ դատավոր Սերգեյ Մարաբյանի, դատավորներ Տիգրան Սահակյանի եւ Սևակ Համբարձումյանի, դիմել է Սահմանադրական դատարան՝ վիճակելով 2018 թ-ի նոյեմբերի 1-ին ընդունված՝ «Էրեբունի-Երեւանի հիմնադրման 2800-ամյակի եւ Հայաստանի Առաջին Հանրապետության անկախության հռչակման 100-ամյակի կապակցությամբ քրեական գործերով համաներում հայտարարելու մասին» ՀՀ օրենքի 4-րդ հոդվածի 2-րդ մասը և դրա հետ փոխկապված՝ 2-րդ հոդվածի 10-րդ կետը:

Սույն թվականի մայիսի 9-11-ին Դանիայի Թագավորության մայրաքաղաք Կոպենհագենում տեղի կունենա Դատավորների եվրոպական միության ամենամյա ընդհանուր ժողովը: Որպես Դատավորների եվրոպական միության անդամ՝ ՀՀ դատավորների միությունից կարող է մասնակցել առավելագույնը երկու պատվիրակ: Մասնակցության պարտադիր պայմաններից է անգլերեն կամ ֆրանսերեն լեզուներից որևէ մեկի իմացությունը: Մեկնման, վերադարձի, ինչպես նաև կացության բոլոր ծախսերը հոգում են անձամբ մեկնող պատվիրակները:

Հայաստանում ԵՄ պատվիրակության ղեկավար, դեսպան Պյոտր Սվիտալսկիի հետ Մեդիամաքսի բացառիկ հարցազրույցում անդրադարձ կա նաեւ դատական իշխանության բարեփոխմանը եւ ատելության քարոզի անթույլատրելիությանը: Դեսպանի խոսքից ներկայացնում ենք այդ հատվածները: