Լրագրողները դատավորների եւ հասարակության մեջտեղում են. հասարակությունը պատկերացում է կազմում դատական համակարգի մասին լրագրողների միջոցով: Այս մասին ասաց Եվրոպայի խորհրդի Մարդու իրավունքների և օրենքի գերակայության գլխավոր տնօրինության՝ Իրավական համագործակցության վարչության Արդարադատության համակարգի բարեփոխումների բաժնի պետ Լիլիթ Դանեղյանը Երեւանում՝ դեկտեմբերի 3-ին տեղի ունեցած «Դատավորների և լրագրողների փոխհարաբերությունները» խորագրով կլոր սեղան-քննարկմանը:

Կոնգրես հյուրանոցում՝ մասնակից դատավորներն ու լրագրողները հնարավորություն ունեցան շփվելու, կոտրելու երկուստեք առաջացած կարծրատիպերն ու  փորձելու լուծումներ գտնել հարաբերությունները բարդացնող խնդիրներին: Եվրոպացի փորձագետ-դատավորներ՝ CCJE-ի փոխնախագահ, Սլովենիայի Գերագույն դատարանի դատավոր տկն. Նինա Բետետտոն եւ CCJE-ի Բյուրոյի անդամ, Շվեդիայի Գերագույն Վարչական դատարանի նախկին նախագահ պրն. Մաթս Մելինը ներկայացրին իրենց երկրների լավագույն փորձը:

Ավելին

Սույն թվականի նոյեմբերի 19-ին Դատավորների եվրոպական միության նախագահ, Դատավորների միջազգային միության առաջին փոխնախագահ Խոսե Իգրեա Մաթոսը Լեհաստանի դատական համակարգի ներկայիս իրավիճակի վերաբերյալ հրապարակել է հոդված:

Ստորև ներկայացվում է վերոնշյալ հոդվածի հղումը (https://www.iaj-uim.org/news/poland-and-the-rule-of-law-an-article-by-the-eaj-president-mr-igreja-matos/):

Հայաստանի, Վրաստանի, Ղազախստանի, Մոլդովայի, Լեհաստանի, Ուկրաինայի և Էստոնիայի միջև կնքված Բազմակողմ համագործակցության վերաբերյալ փոխգործակցության հուշագրի շրջանակներում սույն թվականի դեկտեմբերի 6-7-ին Ղազախստանի Հանրապետության մայրաքաղաք Աստանայում կայանալիք «Դատավորների սոցիալական ապահովությունը» թեմայով համաժողովի վերաբերյալ տարածած հայտարարության կապակցությամբ ՀՀ դատավորների միության անդամներից ցանկություն էին հայտնել մասնակցելու վեց դատավորներ (ՀՀ վերաքննիչ քրեական դատարանի դատավոր Արսեն Նիկողոսյան /միայն ավիատոմսի վճարման պայմանով/, ՀՀ վերաքննիչ քաղաքացիական դատարանի դատավորներ Գագիկ Խանդանյան և Մարգարիտա Հարթենյան, ՀՀ Տավուշի մարզի առաջին ատյանի ընդհանուր իրավասության դատարանի դատավորներ Արման Օհանյան և Սիմա Իսկանդարյան, ՀՀ Կոտայքի մարզի առաջին ատյանի ընդհանուր իրավասության դատարանի դատավոր Տիգրան Փոլադյան: Վերջինս, սակայն, ծանրաբեռնվածության պատճառով հրաժարվեց մասնակցել համաժողովին):

ՀՀ դատավորների միության խորհրդի անդամների մեծամասնության որոշմամբ սույն թվականի նոյեմբերի 16-ին տեղի ունեցած վիճակահանության արդյունքում համաժողովի մասնակիցներ ընտրվեցին ՀՀ վերաքննիչ քաղաքացիական դատարանի դատավոր Մարգարիտա Հարթենյանը և ՀՀ Տավուշի մարզի առաջին ատյանի ընդհանուր իրավասության դատարանի դատավոր Սիմա Իսկանդարյանը

Մարոկկոյի Թագավորության Մարաքեշ քաղաքում 2018 թվականի հոկտեմբերի 14-18-ին տեղի ունեցավ Դատավորների միջազգային միության տարեկան 61-րդ համաժողովը: Բացման խոսքով հանդես եկան Դատավորների միջազգային միության նախագահ Քրիստոֆ Ռեգնարդը և գլխավոր քարտուղար Ջակոմո Օբերտոն:

Համաժողովի ընթացքում քննարկվեցին դատավորների անկախության, անաչառության ու անկողմնակալության, դատական իշխանության հանդեպ հանրային վստահության բարձրացման վերաբերյալ մի շարք հարցեր: Քննարկման առարկա դարձան նաև անդամ երկրների դատական համակարգերում առկա խնդիրներն ու դրանց հնարավոր լուծման ճանապարհները: Մասնավորապես ներկայացվեց Լեհաստանի, ինչպես նաև Թուրքիայի դատական համակարգերում տիրող իրավիճակն ու այդ կապակցությամբ Դատավորների եվրոպական միության կողմից ձեռնարկված միջոցառումները:

Ավելին

(««Պաշտոնատար անձանց գործունեության ապահովման, սպասարկման և սոցիալական երաշխիքների մասին» Հայաստանի Հանրապետության օրենքում լրացումներ կատարելու մասին» Հայաստանի Հանրապետության օրենքի նախագծի վերաբերյալ)

ՀՀ դատավորների միությունն իր խորին մտահոգությունն է հայտնում շրջանառության մեջ դրված՝ ««Պաշտոնատար անձանց գործունեության ապահովման, սպասարկման և սոցիալական երաշխիքների մասին» Հայաստանի Հանրապետության օրենքում լրացումներ կատարելու մասին» Հայաստանի Հանրապետության օրենքի նախագծի (այսուհետ՝ Նախագիծ) առնչությամբ, որով փորձ է կատարվում կտրուկ նվազեցնել դատավորի անկախության սոցիալական երաշխիքները:

Ավելին

Հոկտեմբերի 5-ին «Արթուրս Աղվերան ռեզորթում» մեկնարկեց ԵՊՀ իրավագիտության ֆակուլտետի և Միջազգային իրավական համագործակցության գերմանական հիմնադրամի (IRZ) կողմից արդեն երրորդ տարին անցկացվող քրեական իրավունքի և քրեական դատավարության հիմնախնդիրներին նվիրված միջբուհական դատախաղի բանավոր փուլը, որին ներկա գտնվեց նաև ՀՀ դատավորների միության գործադիր տնօրեն Վահե Ենգիբարյանը: Դատախաղի մասնակից թիմերն էին Հայ-ռուսական (Սլավոնական) համալսարանի «BONA FIDE» և «Ավրորա», Երևանի պետական համալսարանի «ԵՊՀ 1» և «ԵՊՀ 2», ՀՀ ոստիկանության կրթահամալիրի «Օրենքի պատվար» և Գավառի պետական համալսարանի «Նաիրի» թիմերը:

Ավելին

Այլ հոդվածներ …