ՀՀ դատավորների միությունը արդարադատության բնագավառում երկարամյա աշխատանքի, զգալի ներդրման և ծննդյան 65-ամյակի առիթով պատվոգրեր է շնորհել Արարատի և Վայոց ձորի մարզերի առաջին ատյանի ընդհանուր իրավասության դատարանի  նախագահ Գագիկ Քերոբի Սարգսյանին եւ Լոռու մարզի առաջին ատյանի ընդհանուր իրավասության դատարանի դատավոր Գուրգեն Սողոմոնի Գագիկյանին:

Պատվոգրերը հանդիսավորությամբ հանձնել է ՀՀ դատավորների միության նախագահ, ՀՀ վճռաբեկ դատարանի նախագահ Երվանդ Խունդկարյանը: Նա շնորհակալություն է հայտնել նվիրումի եւ անաչառ աշխատանքի համար, վաստակաշատ դատավորների հետ քննարկել ոլորտի խնդիրները եւ լսել նրանց առաջարկությունները:

Գագիկ Սարգսյանը եւ Գուրգեն Գագիկյանը դատավորի բազմամյա աշխատանքից հետո անցել են վաստակած հանգստի: