Դատավորների միության հարգելի՛ անդամներ,

2026 թվականի հունիսի 7-ին Հայաստանի Հանրապետությունում տեղի են ունենալու կարևորագույն ընտրություններ, որոնք վճռորոշ նշանակություն ունեն մեր երկրի վաղվա օրվա, պետականության ամրապնդման, Հայ Առաքելական Սուրբ եկեղեցու և ազգային արժեհամակարգի պահպանման համար։ Այս ընտրությունները պարզապես քաղաքական գործընթաց չեն. այն պատասխանատվության, արժանապատվության և ապագայի ընտրություն է։

Ուստի, կոչ եմ անում բարձր քաղաքացիական գիտակցությամբ մասնակցել ընտրություններին՝ ձեր ձայնը ծառայեցնելով հզոր, անվտանգ և բարեկեցիկ հայրենիքի կառուցմանը՝ անկախ և բացառապես օրենքի գերակայությամբ, միայն ժողովրդին ծառայող դատական համակարգի ստեղծման տեսլականով:

Համոզված եմ, որ Աստծո օգնությամբ միասին կարող ենք կառուցել ուժեղ և բարգավաճ Հայաստան:

Դատավորների միության նախագահ Ալեքսանդր Ազարյան

Այսօր՝ մայիսի 5-ին, տեղի ունեցավ ՀՀ դատավորների ընդհանուր ժողով: Օրակարգում Դատավորների էթիկայի և կարգապահական հարցերի հանձնաժողովի դատավոր չհանդիսացող անդամի ընտրության հարցն էր:

Այսպիսով, Մարգարիտ Ամյանն ընտրվեց Դատավորների էթիկայի և կարգապահական հարցերի հանձնաժողովի դատավոր չհանդիսացող անդամ:

ՀՀ նախագահ Վահագն Խաչատուրյանի ապրիլի 29-ի հրամանագրով Սնանկության դատարանի նախագահ է նշանակվել:

Այսպես, Գարիկ Ավագյանը նշանակվել է Սնանկության դատարանի նախագահ` երեք տարի ժամկետով:

ՀՀ նախագահ Վահագն Խաչատուրյանի ապրիլի 27-ի հրամանագրով Սյունիքի մարզում դատավոր է նշանակվել:

Այսպես, Մերի Ալավերդյանը նշանակվել է Սյունիքի մարզի առաջին ատյանի ընդհանուր իրավասության դատարանի դատավոր:

Հայ Առաքելական Սուրբ Եկեղեցին նշում է Հիսուս Քրիստոսի հրաշափառ Հարության տոնը:

Այսօր երեկոյան եկեղեցիներում մատուցվելու է ճրագալույցի Սուրբ պատարագ: Այս արարողությամբ եզրափակվում է Տիրոջ չարչարանքների շաբաթը: Պատարագի ավարտին՝ որպես Հարության լույսի խորհրդանիշ, հավատացիալները եկեղեցիներից իրենց հետ կտանեն ճրագը:

Փրկչի հրաշափառ Հարության ավետիսի ազդարարմամբ ավարտվում է Մեծ Պահքը և սկսվում զատկական տոնակատարությունը:

 «Քրիստոս յարեաւ ի մեռելոց, Օրհնեալ է Յարութիւնն Քրիստոսի»:

Այլ հոդվածներ …