Սիրելի՛ հայրենակիցներ,

Հայաստանի Առաջին Հանրապետության հիմնադրման տոնը ազգային միասնականությամբ՝ անհնարինը հնարավոր դարձնելու վկայության օր է, ինչի կապակցությամբ շնորհավորում եմ բոլորիս:

Սարդարապատի, Բաշ-Ապարանի և Ղարաքիլիսայի  հերոսամարտերի ժամանակ ռազմարվեստի հմուտ գիտակների կողքին հայրենիքը պաշտպանեցին հայ հոգևորականը, գրողը, լեզվաբանը և ձախողեցին հայերին վերջնականապես բնաջնջելու՝ երիտթուրքերի ծրագիրը: Այդ մարտերի շնորհիվ Արևելյան Հայաստանի մի մասում վերականգնվեց հայկական պետականությունը: 1918 թ-ի մայիսի 28-ին հռչակվեց Հայաստանի Առաջին Հանրապետությունը և դրվեց ամբողջական հայրենիքի վերականգնման ճանապարհի սկիզբը:

Մայիսյան հաղթանակները ուղերձ են նոր սերնդին՝ մարտահրավերները դիմակայելու համախմբված՝ կարևորելով յուրաքանչյուր անհատի դերը:

Այդ հաղթանակները նաև պատասխանատվություն են՝ կերտելու մերօրյա պետականությունը արդարության և արդարադատության հիմքով, օրենքի գերկայությամբ և հասարակության արժանապատիվ անդամներով: Իրավական պետության ստեղծումը այլընտրանք չունի և այդ ճանապարհին գիտակցական քայլերի ենք կոչված բոլորս:

Փառք և խոնարհում ազգի ոգին ամրապնդող հաղթանակները իրական դարձրած հերոսներին:

Երվանդ Խունդկարյան

ՀՀ վճռաբեկ դատարանի նախագահ

ՀՀ դատավորների միության նախագահ