Վճռաբեկ դատարանի 20-ամյակը և Վարչական դատարանի 10-ամյակը խորհրդանշող միջոցառումների շարքի մեկնարկը դարձավ «Վարչական արդարադատության ձևավորումն ու զարգացումը ՀՀ-ում» թեմայով գիտաժողովը:

2018 թվականի հունիսի 26-ին Արմենիա Մարիոթ հյուրանոցի «Արարատ» սրահում ՀՀ վճռաբեկ դատարանի և Գերմանիայի միջազգային համագործակցության ընկերության (GIZ) «Հարավային Կովկասում եվրոպական չափորոշիչներին իրավական համապատասխանեցում» հայաստանյան ծրագրի շրջանակում տեղի ունեցավ ՀՀ վճռաբեկ դատարանի կազմավորման քսանամյակին և վարչական դատարանի հիմնադրման տասնամյակին նվիրված հանդիսավոր միջոցառում-գիտաժողով՝ «Վարչական արդարադատության ձևավորումն ու զարգացումը Հայաստանի Հանրապետությունում» թեմայով:

Ավելին

1998 թ. հունիսի 17-ին ընդունված և 1991 թ. հունվարի 12-ից օրինական ուժի մեջ մտած ՀՀ քաղաքացիական դատավարության օրենսգիրքը ՀՀ-ում իրականացվող դատաիրավական բարեփոխումների արդյունքում ընդունված կարևոր իրավական ակտերից էր: Այն իր ընդունման պահից բավականին առաջադիմական էր և նախատեսում էր մի շարք իրավական ինստիտուտներ, որոնց կարգավորումը և գործնական կիրառումն անհրաժեշտ էր: Այդ օրենսգրքի ավելի քան 19-ամյա գործողության ընթացքում դրանում կատարվեցին բազմաթիվ փոփոխություններ և լրացումներ, սակայն առկա էին որոշակի դատավարական գործողությունների կարգավորման բացթողումներ: Մասնավորապես` արբիտրաժային տրիբունալների վճիռների հարկադիր կատարման համար կատարողական թերթ տալու վերաբերյալ առկա էին հազարավոր դատական գործեր, սակայն դրանց կարգավորումը 1998 թ. հունիսի 17-ին ընդունված ՀՀ քաղաքացիական դատավարության օրենսգրքով տրված չէր:

Ավելին

2018 թվականի մայիսի 24-26-ը Գերմանիայի Դաշնային Հանրապետության մայրաքաղաք Բեռլինում կայացավ Դատավորների եվրոպական միության ամենամյա ընդհանուր ժողովը, որին մասնակցեց և Հայաստանի Հանրապետության դատավորների միությունը ներկայացրեց Տավուշի մարզի առաջին ատյանի ընդհանուր իրավասության դատարանի դատավոր Սիմա Իսկանդարյանը:

Ավելին

Սույն թվականի հոկտեմբերի 14-18-ին Մարաքեշում (Մարոկկոյի Թագավորություն) տեղի կունենա Դատավորների միջազգային միության 61-րդ ամենամյա ընդհանուր ժողովը: Որպես Դատավորների միջազգային միության անդամ ՀՀ դատավորների միությունից կարող է մասնակցել առավելագույնը երեք պատվիրակ: Մասնակցության պարտադիր պայմաններից է անգլերեն, ֆրանսերեն կամ իսպաներեն լեզուներից որևէ մեկի իմացությունը: Մեկնման, վերադարձի, ինչպես նաև կացության բոլոր ծախսերը հոգում են անձամբ մեկնող պատվիրակները:

Ավելին

Սույն թվականի ապրիլի 16-ին ՀՀ դատավորների միության գրասենյակում տեղի ունեցավ ՀՀ դատավորների միության գործադիր տնօրեն Վահե Ենգիբարյանի և ԵԱՀԿ/ԺՀՄԻԳ փորձագետ Նիկոլայ Կովալյովի հանդիպումը: Նիկոլայ Կովալյովի այցի հիմնական նպատակը «Արևելյան գործընկերության երկրներում դատախազների անկախության ամրապնդում» խորագրով ԵԱՀԿ/ԺՀՄԻԳ նոր ծրագրի մշակման շրջանակում կարիքների գնահատումն էր ու փորձի ուսումնասիրությունը:

Ավելին

13.02.2018թ.-ի ՀՀ դատավորների միության խորհրդի որոշմամբ սույն թվականի մարտի 1-ին՝ ժամը 11:00-ին, Նազարբեկյան թաղամաս 40 հասցեում գտնվող՝ ՀՀ Երևան քաղաքի առաջին ատյանի ընդհանուր իրավասության դատարանի Աջափնյակի նստավայրի դահլիճում տեղի կունենա ՀՀ դատավորների միության ընդհանուր ժողովը:

«Հայաստանի Հանրապետության դատավորների միություն» հասարակական կազմակերպության կանոնադրության 7.10 (5), (10), (17) կետերին համապատասխան օրակարգում ընդգրկված է ՀՀ դատավորների միության Կանոնադրության նախագծի ընդունումը:

Այլ հոդվածներ …