Արդարադատության բնագավառում երկարամյա աշխատանքի, ունեցած ներդրման համար և ծննդյան 65-ամյակի կապակցությամբ ՀՀ դատավորների միությունն այսօր պատվոգրեր շնորհեց Արագածոտնի և Լոռու մարզերի առաջին ատյանի ընդհանուր իրավասության դատարանների երեք դատավորի:

ՀՀ դատավորների միության փոխնախագահ Արթուր Ստեփանյանը պատվոգրեր հանձնեց Արագածոտնի մարզի առաջին ատյանի ընդհանուր իրավասության դատարանի դատավոր Սուրեն Մնոյանին և Լոռու մարզի առաջին ատյանի ընդհանուր իրավասության դատարանի դատավոր Աղասի Մկոյանին:

Պատվոգիր փոխանցվեց նաև Լոռու մարզի առաջին ատյանի ընդհանուր իրավասության դատարանի դատավոր Սուրեն Բաղդասարյանին: