ՀՀ դատավորների միության անդամ, հարգելի՛ դատավորներ,

Նկատի ունենալով, որ Դատավորների միության բյուջեն ձևավորվում է ձեր՝ Հայաստանի Հանրապետության դատավորների անդամավճարներից, ուստի, Դատավորների միություն հասարակական կազմակերպությունը հարկ է համարում հանդես գալ հաշվետվությամբ՝ ներկայացնելով 2024 թվականի ֆինանսական մուտքերի և ելքերի վերաբերյալ տեղեկատվություն:

01.01.2024 թ. դրությամբ՝ ՀԿ-ի բյուջեում եղել է 3261.3 հազար դրամ: Ողջ տարվա ընթացքում դատավորների անդամավճարներից (գործող դատավորի անդամավճարը յուրաքանչյուր ամիս 5000 ՀՀ դրամ է, լիազորությունները դադարած դատավորի դեպքում՝ 2500 ՀՀ դրամ) բյուջե մուտք է եղել 14119.8 հազար դրամ:

Բյուջեից ելքերը կազմել են 14686.2 հազար դրամ:

Այսպիսով, ողջ տարվա ընթացքում վճարվել է միության աշխատակիցների աշխատավարձերը և հարկերը ընդհանուր առմամբ՝ 10666.5 հազար դրամ, որից՝ «Դատական իշխանություն» գիտամեթոդական ամսագրի խմբագրման համար՝ 506.8 հազար դրամ, տպագրության համար՝ 3104.5 հազար դրամ:

Գրասենյակային ծախսերը կազմել են 83.2 հազար դրամ, կոմունալ վճարները՝ 156.8 հազար դրամ (հեռ., ինտերնետ):

Դատավորների Միջազգային միության անդամավճարը կազմել է՝ 168.4 հազար դրամ:

Այսպիսով, 01.01.2025 թ. դրությամբ՝ միության բյուջեի մնացորդը կազմում է 2694.9 հազար դրամ:

Հարգելի՛ գործընկերներ,

ՀՀ դատավորների միությունը շնորհավորում է Ամանորի և Սուրբ Ծննդյան տոների առթիվ: Արժանապատիվ կեցվածքով, հաղթական հետագիծ ամրագրելու վճռականությամբ և նվիրումով թևակոխենք 2025 թվական:

Շնորհավոր Ամանոր և Սուրբ Ծնունդ

ՀՀ դատավորների միության նախագահ Ալեքսանդր Ազարյան

Երևան քաղաքի ընդհանուր իրավասության քրեական դատարանի դատավոր Արման Հովհաննիսյանը երկրորդ անգամ արժանացավ «Թափանցիկ ձեռք» հուշանվերին:

«Թափանցիկ ձեռք 2024» «HelpCourt» դատավորների վարկանիշավորման գործընթացն այսօր ավարտվել է և դատավոր Արման Հովհաննիսյանը փաստաբանների կողմից արժանացել է ամենաբարձր վարկանիշի:

Հիշեցնենք, որ Արման Հովհաննիսյանը 2022 թվականին ևս արժանացել էր «Թափանցիկ ձեռք» հուշանվերին:

Սիրելի՛ փաստաբաններ,

Հայաստանի Դատավորների միությունը շնորհավորում է մասնագիտական տոնի առթիվ։

Ձեր աշխատանքն անգնահատելի է յուրաքանչյուրիս համար։ Իրավապաշտպան ձեր գործունեությունը կապված է ոչ միայն օրենքի, այլև մարդու իրավունքների, արդարության և հույսի հետ: Ամեն անգամ, երբ լսում եք, աջակցում կամ պաշտպանում, հասարակությանը մի փոքր ավելի ուժեղ եք դարձնում, ավելի արդար և ավելի բարի։

Փաստաբանությունը Հայաստանում այլևս կայացած է, որի համար հպարտ ենք։ Մաղթում ենք, որ ձեր եռանդն ու նվիրվածությունը երբեք չսպառվեն, խոչընդոտները հաղթահարենք միասին, իսկ ձեր ամենօրյա աշխատանքը՝ պարգևի երախտագիտության ժպիտներ և հպարտություն։

Շնորհակալ ենք ձեր ջանքերի համար։

Հարգանքներով՝ ՀՀ դատավորների միություն