Այսօր տեղի է ունեցել ՀՀ դատավորների ընդհանուր ժողով: Օրակարգում Բարձրագույն դատական խորհրդի դատավոր անդամի ընտրության հարցն էր, առաջադրվել էր մեկ թեկնածու:
Քվեարկության արդյունքներով Վարչական դատարանի դատավոր Մերի Համբարձումյանն ընտրվել է ԲԴԽ դատավոր անդամ:
Մայիսի 9-ը հայ ազգի համար բեկումնային է եղել: Հայ ժողովրդի պատմության մեջ երկու անգամ՝ 1945 և 1992 թվականներին ամրագրվել է որպես հաղթանակի և հայ ժողովրդի վերածննդի օր:
Հայրենական Մեծ պատերազմում հաղթանակի, Շուշիի ազատագրմամբ և Արցախի պաշտպանության բանակի ստեղծմամբ, հայն իրացրել է իր բնօրրանում ազատ ապրելու և արարելու իրավունքը:
Հավատում ենք մայիսյան նոր հաղթանակներին և շնորհավորում տոնի առթիվ:
Այսօր տեղի է ունեցել ՀՀ դատավորների ընդհանուր ժողով, դատավորները Բարձրագույն դատական խորհրդի դատավոր անդամ են ընտրել:
132 կողմ ձայնով ԲԴԽ դատավոր անդամ է ընտրվել Վերաքննիչ քրեական դատարանի դատավոր Արմեն Դանիելյանը։
Դատավորների եվրոպական միության ամենամյա ընդհանուր ժողովն այս տարի տեղի է ունեցել Լեհաստանի մայրաքաղաք Վարշավայում: «Հազար պատմուճանի քայլերթ» խորագրով եռօրյա ժողովին՝ Երևանը պատվիրակների ձայների մեծամասնությամբ, ընտրվել է հաջորդ տարեկան ժողովի անցկացման վայր։ Հայտն ավելի վաղ ներկայացվել էր ՀՀ դատավորների միության նախագահ Ալեքսանդր Ազարյանի կողմից։
Հիշեցնենք, որ Դատավորների եվրոպական միությունը (EAJ) հանդիսանում է դատավորների աշխարհի միության (IAJ) հինգ մայրցամաքներից ինսուներկու ազգային միություններ ներառող ռեգիոնալ խմբերից մեկը, որն առանձին միավորում է Եվրոպայի առավել քան քառասուն ազգային ասոցացիա։ Միջազգային միությունը ոչ քաղաքական, պրոֆեսիոնալ միջազգային կազմակերպություն է, որի հիմնական նպատակն է պաշտպանել դատական իշխանության անկախությունը՝ երաշխավորելով մարդու իրավունքները և ազատությունները։
ՀՀ նախագահ Վահագն Խաչատուրյանի ապրիլի 22-ի հրամանագրերով վերաքննիչ քրեական և Գեղարքունիքի մարզի դատարաններում դատավորներ են նշանակվել:
Այսպես, Ադրինե Ղուկասյանը նշանակվել է վերաքննիչ քրեական դատարանի դատավոր, իսկ Կարեն Հակոբյանը՝ Գեղարքունիքի մարզի առաջին ատյանի ընդհանուր իրավասության դատարանի դատավոր:
ՀՀ նախագահ Վահագն Խաչատուրյանի ապրիլի 8-ի հրամանագրերով վերաքննիչ հակակոռուպցիոն և Արագածոտնի մարզի դատարաններում դատավորներ են նշանակվել:
Այսպես, Անի Մարտիրոսյանը և Ժենյա Մելիքսեթյանը նշանակվել են վերաքննիչ հակակոռուպցիոն դատարանի դատավորներ, իսկ Ժենյա Նազարյանը՝ Արագածոտնի մարզի առաջին ատյանի ընդհանուր իրավասության դատարանի դատավոր: