ՀՀ նախագահ Վահագն Խաչատուրյանի մարտի 20-ի հրամանագրով Երևան քաղաքի առաջին ատյանի ընդհանուր իրավասության քաղաքացիական դատարանի դատավոր է նշանակվել:
Այսպես, Կոտայքի մարզի առաջին ատյանի ընդհանուր իրավասության դատարանի դատավոր Անուշավան Մուշեղյանը նշանակվել է Երևան քաղաքի առաջին ատյանի ընդհանուր իրավասության քաղաքացիական դատարանի դատավոր:
ՀՀ նախագահ Վահագն Խաչատուրյանի մարտի 20-ի հրամանագրով դատավոր Ստեփան Միքայելյանին շնորհվել է Հայաստանի Հանրապետության վաստակավոր իրավաբանի պատվավոր կոչում:
«Իրավագիտության զարգացման, օրինականության և իրավակարգի ամրապնդման գործում ունեցած վաստակի համար Վճռաբեկ դատարանի քաղաքացիական պալատի դատավոր Ստեփան Կարոյի Միքայելյանին շնորհել Հայաստանի Հանրապետության վաստակավոր իրավաբանի պատվավոր կոչում»,- նշվում է հրամանագրում:
ՀՀ նախագահ Վահագն Խաչատուրյանի մարտի 17-ի հրամանագրով ՀՀ վերաքննիչ քրեական դատարանում կոռուպցիոն հանցագործությունների գործերով դատավոր է նշանակվել:
«Արթուր Նահապետյանին նշանակել Վերաքննիչ քրեական դատարանում կոռուպցիոն հանցագործությունների գործերով բողոքարկման ենթակա դատական ակտերի վերանայումն իրականացնող առանձին դատավոր»,- նշվում է հրամանագրում:
Մարտի 17-ին տեղի ունեցավ ՀՀ դատավորների ընդհանուր ժողով: Օրակարգում Դատավորների գործունեության գնահատման հանձնաժողովի դատավոր անդամի ընտրության հարցն էր։
Դատավորները՝ 144 կողմ ձայնով ՀՀ Վճռաբեկ դատարանի վարչական պալատի դատավոր Արման Թովմասյանին ընտրեցին Դատավորների գործունեության գնահատման հանձնաժողովի դատավոր անդամ:
ՀՀ նախագահ Վահագն Խաչատուրյանի մարտի 13-ի հրամանագրով Երևան քաղաքի առաջին ատյանի ընդհանուր իրավասության քրեական դատարանի դատավոր է նշանակվել:
Այսպիսով, Շիրակի մարզի առաջին ատյանի ընդհանուր իրավասության դատարանի դատավոր Անի Մարտիրոսյանը նշանակվել է Երևան քաղաքի առաջին ատյանի ընդհանուր իրավասության քրեական դատարանի դատավոր:
Սիրելի՛ կանայք, շնորհավորում ենք գարնանային այս գեղեցիկ տոնի առթիվ: Անգնահատելի է ձեր դերը սերունդների արժեհամակարգի ձևավորման ու պահպանման գործում: Երախտագիտությամբ, սիրով ու գնահատանքով փոխադարձվի ազգապահպան ձեր առաքելությունը:
ՀՀ դատավորների միության նախագահ Ալեքսանդր Ազարյան