ՀՀ նախագահ Վահագն Խաչատուրյանի ապրիլի 17-ի հրամանագրով սնանկության դատարանի նախագահ է նշանակվել:
Այսպիսով, սնանկության դատարանի դատավոր Գագիկ Հովհաննիսյանը նշանակվել է նույն դատարանի նախագահ՝ երեք տարի ժամկետով:
Զատիկ, զատում, բաժանում, հեռացում մեղքերից և վերադարձ առ Աստված: Հայ Առաքելական Ս. Եկեղեցին տոնում է 5 տաղավար տոներից՝ Հիսուս Քրիստոսի հրաշափառ Հարության տոնը, որին նախընթաց երեկոյան եկեղեցիներում մատուցվում է Ճրագալույցի Սուրբ պատարագ, ապա սկսվում են զատկական տոնակատարությունները:
«Քրիստոս Յարեաւ ի մեռելոց»: Այս ավետիսով Զատկի տոնին հավատացյալները ողջունում են միմյանց և ի պատասխան հնչում է՝ «Օրհնեալ է Յարութիւնն Քրիստոսի»:
Այսօր տեղի ունեցած Դատավորների ընդհանուր ժողովին ընդառաջ՝ ԲԴԽ առանձին ժամանակավոր անդամ, նախագահ Կ. Անդրեասյանը, քողարկվելով ԲԴԽ մամուլի ծառայության ներքո, փորձելով հերքել իր հրաժարականի մասին լուրը կամ հիշյալ առիթն օգտագործելով, կրկին իրեն բնորոշ փաստազերծ ու անպատասխանատու խոսքով վիրավորանք ու պիտակավորում է տվել ընտրությանը մասնակցող դատավորի հասցեին՝ այդկերպ արդեն հրապարակայնորեն ու անթույլատրելի միջամտելով ընտրություններին:
Նույն կերպ խոսնակի ձեռամբ, փաստազերձ անհարգալից վերաբերմունք դրսևորելով դատավորի (ների) նկատմամբ, ինքն իրեն դիտարկել է հավատ ներշնչող ու բարեփոխող և այլ ինքնաոգևորող հատկանիշներով:
Պետք է արձանագրել, որ այլևս նման վարքագիծն ունի անուղղելի պաթոլոգիկ բնույթ: Այդուհանդերձ, դատավորները կատարել են ազատ ու ճիշտ ընտրություն, ինչի կապակցությամբ շնորհավորում եմ ամբողջ դատական համակարգին:
Միևնույն ժամանակ կոչ եմ անում դատավորներին անտեսել ժամանակավոր բարդությունները և շարունակել գործել ի շահ դատական իշխանության, դատավորների անկախության և պետության։
ՀՀ դատավորների միության նախագահ Ալեքսանդր Ազարյան
Այսօր՝ ապրիլի 7-ին, տեղի ունեցավ Դատավորների ընդհանուր ժողով, որի օրակարգում ԲԴԽ երկու դատավոր անդամի ընտրության հարցն էր:
Քվեարկության արդյունքներով՝ ԲԴԽ դատավոր անդամներ ընտրվեցին ՀՀ վերաքննիչ քրեական դատարանի դատավոր Արշակ Վարդանյանը և Սնանկության դատարանի նախագահ Արթուր Աթաբեկյանը:
Հիշեցնենք, որ ապրիլի 9-ին լրանում է Սերգեյ Չիչոյանի և Անի Մխիթարյանի՝ որպես ԲԴԽ դատավոր անդամների պաշտոնավարման ժամկետը:
ՀՀ նախագահ Վահագն Խաչատուրյանը ապրիլի 3-ին դատավորներ նշանակելու վերաբերյալ հրամանագրեր է ստորագրել:
Մասնավորապես, Կոտայքի մարզի առաջին ատյանի ընդհանուր իրավասության դատարանի դատավոր Ազատ Դունամալյանը նշանակվել է Երևան քաղաքի առաջին ատյանի ընդհանուր իրավասության քաղաքացիական դատարանի դատավոր, իսկ Սյունիքի մարզի առաջին ատյանի ընդհանուր իրավասության դատարանի դատավոր Հայկ Աղաքարյանը՝ Շիրակի մարզի առաջին ատյանի ընդհանուր իրավասության դատարանի դատավոր:
ՀՀ նախագահ Վահագն Խաչատուրյանի ապրիլի 3-ի հրամանագրով Վերաքննիչ քրեական դատարանում դատավոր է նշանակվել:
Այսպիսով, Երևան քաղաքի առաջին ատյանի ընդհանուր իրավասության քրեական դատարանի դատավոր Աննա Մաթևոսյանը նշանակվել է ՀՀ վերաքննիչ քրեական դատարանի դատավոր: