«Դատական իշխանություն» գիտամեթոդական ամսագիրն այս տարի ևս ընդգրկվել է ՀՀ բարձրագույն որակավորման կոմիտեի (ԲՈԿ) 2023 թվականի փետրվարի 15-ի N 56 Ա հրամանի ՀՀ ԲՈԿ-ի ատենախոսությունների հիմնական արդյունքների և դրույթների հրատարակման համար ընդունելի գիտական հրատարակությունների ցուցակում (հղում՝ 56-Ա.pdf (bok.am)):

«Դատական իշխանություն» ամսագիրը լույս է տեսնում Դատավորների միության հիմնադրման (1997 թ.) օրվանից և սկսած 2004 թվականից ամսագիրն ընդգրկվել է Բարձրագույն որակավորման հանձնաժողովի հաստատման ցուցակում:

Ամսագրում տեղ գտած բոլոր հոդվածներին, ինչպես նաև ՀՀ Վճռաբեկ դատարանի նախադեպային որոշումներին կարող եք ծանոթանալ Դատավորների միության կայքէջում՝ հետևյալ հղմամբ http://ajra.am/hy/judicial-power:

ՀՀ նախագահ Վահագն Խաչատուրյանի փետրվարի 10-ի հրամանագրով Ռուզաննա Հակոբի Բարսեղյանին շնորհվել է Հայաստանի Հանրապետության վաստակավոր իրավաբանի պատվավոր կոչում:

«Հիմք ընդունելով Բարձրագույն դատական խորհրդի նախագահի միջնորդությունը՝ համաձայն Սահմանադրության 136-րդ հոդվածի, ինչպես նաև «Հայաստանի Հանրապետության պետական պարգևների և պատվավոր կոչումների մասին» օրենքի 5.3-րդ հոդվածի 1-ին մասի.
Օրինականության և իրավակարգի ամրապնդման գործում ունեցած վաստակի համար Վերաքննիչ քրեական դատարանի Ռուզաննա Հակոբի Բարսեղյանին շնորհել Հայաստանի Հանրապետության վաստակավոր իրավաբանի պատվավոր կոչում»,-նշվում է հրամանագրում:

ՀՀ նախագահ Վահագն Խաչատուրյանի փետրվարի 13-ի հրամանագրով Մակար Կիրակոսյանը նշանակվել է Արմավիրի մարզի առաջին ատյանի ընդհանուր իրավասության դատարանի դատավոր:

«Հիմք ընդունելով Սահմանադրության 139-րդ հոդվածի 1-ին և 166-րդ հոդվածի 6-րդ մասերը, ինչպես նաև Բարձրագույն դատական խորհրդի 2023 թվականի փետրվարի 8-ի ԲԴԽ-18-Ո-66 որոշմամբ ներկայացված առաջարկությունը.
Շիրակի մարզի առաջին ատյանի ընդհանուր իրավասության դատարանի դատավոր Մակար Կիրակոսյանին նշանակել Արմավիրի մարզի առաջին ատյանի ընդհանուր իրավասության դատարանի դատավոր»,-նշվում է հրամանագրում:

Մակար Կիրակոսյանը Շիրակի մարզի առաջին ատյանի ընդհանուր իրավասության դատարանի դատավոր էր նշանակվել  հունվարի 30-ին:

Վերաքննիչ քրեական դատարանն անփոփոխ է թողել 2022 թվականի սեպտեմբերի 28-ի Սյունիքի մարզի առաջին ատյանի ընդհանուր իրավասության դատարանի դատավճիռը, որով ճանաչվել և հռչակվել էր դատավոր Բորիս Բախշիյանի անմեղությունը:

Հիշեցնենք, որ դատավոր Բորիս Բախշիյանին մեղադրանք էր առաջադրվել իր վարույթում քննվող գործերից մեկով ամբաստանյալին իբրև ակնհայտ ապօրինի կալանավորելու մեջ և դատավորը հիշյալ մեղադրանքով տևական ժամանակ գտնվել էր անազատության մեջ:

ՀՀ Նախագահ Վահագն Խաչատուրյանը փետրվարի 1-ին հրամանագիր է ստորագրել Երևան քաղաքի առաջին ատյանի ընդհանուր իրավասության քաղաքացիական դատարանի դատավոր նշանակվելու վերաբերյալ:

Այսպիսով, Շիրակի մարզի առաջին ատյանի ընդհանուր իրավասության դատարանի դատավոր Անի Աթանեսյանը նշանակվել է Երևան քաղաքի առաջին ատյանի ընդհանուր իրավասության քաղաքացիական դատարանի դատավոր:

ՀՀ Նախագահ Վահագն Խաչատուրյանը հունվարի 30-ին հրամանագրեր է ստորագրել ՀՀ մարզերում դատավորներ նշանակելու վերաբերյալ:

Այսպիսով, Անի Մարտիրոսյանը, Մակար Կիրակոսյանը, Հայկ Իսրայելյանը և Ժենյա Մելիքսեթյանը նշանակվել են Շիրակի մարզի առաջին ատյանի ընդհանուր իրավասության դատարանի դատավորներ:

Գեղարքունիքի մարզի առաջին ատյանի ընդհանուր իրավասության դատարանի դատավոր Արշակ Հարությունյանը նշանակվել է Կոտայքի մարզի առաջին ատյանի ընդհանուր իրավասության դատարանի դատավոր:

Վերաքննիչ քրեական դատարանի դատավոր Անդրանիկ Մնացականյանը նշանակվել է Արագածոտնի մարզի առաջին ատյանի ընդհանուր իրավասության դատարանի դատավոր:

Նարեկ Բադալյանը՝ Տավուշի մարզի առաջին ատյանի ընդհանուր իրավասության դատարանի դատավոր:

Արտակ Կարապետյանը՝ Լոռու մարզի առաջին ատյանի ընդհանուր իրավասության դատարանի դատավոր:

Հակոբ Մանկուկյանը՝ Արմավիրի մարզի առաջին ատյանի ընդհանուր իրավասության դատարանի դատավոր:

Այլ հոդվածներ …