Դատավորների միջազգային միությունը հրատարակել է դատավորների անկախության ամրապնդման, դատավորի դերի ու հեղինակության բարձրացման համար Դատավորների միջազգային միության կենտրոնական խորհրդի կողմից 1999 թ.-ի նոյեմբերի 17-ին Թայվանում ընդունված և 2017 թ.-ի նոյեմբերի 14-ին Սանտյագոյում տեղի ունեցած Դատավորների միջազգային միության 60-րդ տարեկան համաժողովի ընթացքում լրացված և փոփոխված «Դատավորի համընդհանուր խարտիայի» (այսուհետ՝ Խարտիա) գրքույկը: Գրքույկում Խարտիան ներկայացված է անգլերեն, ֆրանսերեն, իսպաներեն, գերմաներեն և իտալերեն լեզուներով: Առկա է նաև Խարտիայի հայերեն թարգմանված տարբերակը (թարգմանությունը՝ ՀՀ դատավորների միության գործադիր տնօրենի օգնական Զարուհի Սարգսյանի), որը հրատարակվել է «Դատական իշխանություն» ամսագրի 2017 թվականի 10-11/221-222 հերթական համարում, ինչպես նաև հասանելի է Դատավորների միջազգային միության պաշտոնական կայքում՝ http://www.iaj-uim.org/universal-charter-of-judges-2017-armenian: