Հայաստանի Հանրապետության դատավորները ՀՀ դատավորների միության նախաձեռնությամբ այցելեցին Ծիծեռնակաբերդի հուշահամալիր՝ հարգանքի տուրք մատուցելու Հայոց ցեղասպանության զոհերի հիշատակին:

Դատավորները ծաղիկներ խոնարհեցին անմեղ զոհերի հիշատակը հավերժացնող անմար կրակի մոտ:

ՀՀ նախագահ Վահագն Խաչատուրյանն ապրիլի 18-ին հրամանագիր է ստորագրել Զարուհի Մկրտչյանին դատավոր նշանակելու մասին:

«Հիմք ընդունելով Սահմանադրության 139-րդ հոդվածի 1-ին և 166-րդ հոդվածի 6-րդ մասերը, ինչպես նաև Բարձրագույն դատական խորհրդի 2022 թվականի ապրիլի 14-ի ԲԴԽ-39-Ո-84 որոշմամբ ներկայացված առաջարկությունը.

Զարուհի Մկրտչյանին նշանակել Արագածոտնի մարզի առաջին ատյանի ընդհանուր իրավասության դատարանի դատավոր»,- ասվում է հրամանագրում:

Հարգելի՛ լրատվամիջոցներ, տեղեկացնում ենք, որ ՀՀ դատավորների միության 25-ամյակի կապակցությամբ՝ ապրիլի 22-ին, 15:00-ին Երևան քաղաքի Կոմիտասի թանգարան-ինստիտուտում (հասցե՝ Արշակունյաց պողոտա 28 շենք) տեղի է ունենալու հանդիսավոր միջոցառում:

Միջոցառմանը ներկա են լինելու Միության անդամ դատավորներ և ոլորտին առնչվող հարգարժան հյուրեր:

Սիրով սպասում ենք միջոցառումը լուսաբանել ցանկացող լրատվամիջոցներին:

Ավարտվում է Մեծ Պահքը: Ըստ եկեղեցական կարգի՝ երեկոյան ժամերգությունից հետո սկսվում է նոր օր, մատուցվում է Ճրագալույցի Սուրբ պատարագ, որի ավարտին ազդարարվում է Փրկչի հրաշափառ Հարության ավետիսը:

«Քրիստոս յարեաւ ի մեռելոց, օրհնեալ է յարութիւնն Քրիստոսի»: