Հուլիսի 22-ին Դատավորների միության փոխնախագահ, Երևան քաղաքի առաջին ատյանի ընդհանուր իրավասության դատարանի դատավոր Արթուր Ստեփանյանն ընդունել է Աշխատանքի միջազգային կազմակերպության (ԱՄԿ) աշխատանքի վարչարարության, տեսչության, առողջության և անվտանգության ավագ մասնագետ Անտոնիո Սանտոսին և «Միասին նպաստենք Հայաստանում աշխատանքային իրավունքների իրացմանը» ծրագրի համակարգող Նվեր Սարգսյանին:

Հանդիպման ընթացքում քննարկվել են աշխատանքային իրավունքին առնչվող մի շարք հարցեր, անդրադարձ է կատարվել Հայաստանի Հանրապետության կողմից աշխատանքային իրավունքի վերաբերյալ վավերացված միջազգային պայմանագրերի կիրառելությանը, հայաստանյան և միջազգային փորձին, ինչպես նաև՝ աշխատանքային վեճերի լուծման արտադատական այլընտրանքային տարբերակներին:

Միության փոխնախագահը կարևորել է համագործակցությունը և պատրաստակամություն հայտնել աջակցել ոլորտին առնչվող աշխատանքների կատարմանը: