2022 թվականի հունվարի 14-ին տեղի ունեցավ ՀՀ դատավորների միության ընդհանուր ժողովը: Օրակարգում ՀՀ դատավորների միության նախագահի և փոխնախագահների ընտրության հարցն էր:

Քվեարկության արդյունքներով ՀՀ դատավորների միության նախագահ ընտրվեց ՀՀ վերաքննիչ քրեական դատարանի դատավոր Ալեքսանդր Ազարյանը, իսկ փոխնախագահ` ՀՀ Երևան քաղաքի առաջին ատյանի ընդհանուր իրավասության դատարանի դատավոր Արթուր Ստեփանյանը:

ՀՀ դատավորների միությունը շնորհավորում է նորընտիր նախագահին և փոխնախագահին` մաղթելով արդյունավետ աշխատանք:

Հայաստանի Հանրապետության դատավորների միության (այսուհետ՝ ՀՀ դատավորների միություն) խորհրդի 2022 թվականի հունվարի 7-ի №1/22 որոշման համաձայն՝ 2022 թվականի հունվարի 14-ին` ժամը 14:00-ին, Կարեն Դեմիրճյանի անվան մարզահամերգային համալիրում Հայաստանի Հանրապետության դատավորների ընդհանուր ժողովից հետո տեղի է ունենալու ՀՀ դատավորների միության ընդհանուր ժողովը: Օրակարգում ՀՀ դատավորների միության նախագահի և երկու փոխնախագահների ընտրություններն են:

2022 թվականի հունվարի 14-ին կայանալիք՝ ՀՀ դատավորների միության ընդհանուր ժողովում ՀՀ դատավորների միության նախագահ կամ փոխնախագահ ընտրվելու համար, ինքնաառաջադրման եղանակով կարող եք մինչև սույն թվականի հունվարի 12-ը ՀՀ դատավորների միության աշխատակազմին (Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։ էլեկտրոնային հասցեին ուղարկելու միջոցով) ներկայացնել Ձեր թեկնածությունը` քվեաթերթիկում ներառելու նպատակով:

ՀՀ դատավորների միությունը խորին ցավակցություն է հայտնում ՀՀ վերաքննիչ քրեական դատարանի դատավոր Սերգեյ Մարաբյանի հոր՝ Ռուբիկ Մարաբյանի մահվան կապակցությամբ:

Մարաբյանների ընտանիքին, հարազատներին և ընկերներին մաղթում ենք համբերություն և տոկունություն՝ հաղթահարելու կորստի ծանրությունը: