Դատավորների եվրոպական միության ամենամյա ընդհանուր ժողովն այս տարի տեղի է ունեցել Լեհաստանի մայրաքաղաք Վարշավայում: «Հազար պատմուճանի քայլերթ» խորագրով եռօրյա ժողովին՝ Երևանը պատվիրակների ձայների մեծամասնությամբ, ընտրվել է հաջորդ տարեկան ժողովի անցկացման վայր։ Հայտն ավելի վաղ ներկայացվել էր ՀՀ դատավորների միության նախագահ Ալեքսանդր Ազարյանի կողմից։

Հիշեցնենք, որ Դատավորների եվրոպական միությունը (EAJ) հանդիսանում է դատավորների աշխարհի միության (IAJ) հինգ մայրցամաքներից ինսուներկու ազգային միություններ ներառող ռեգիոնալ խմբերից մեկը, որն առանձին միավորում է Եվրոպայի առավել քան քառասուն ազգային ասոցացիա։ Միջազգային միությունը ոչ քաղաքական, պրոֆեսիոնալ միջազգային կազմակերպություն է, որի հիմնական նպատակն է պաշտպանել դատական իշխանության անկախությունը՝ երաշխավորելով մարդու իրավունքները և ազատությունները։

ՀՀ նախագահ Վահագն Խաչատուրյանի ապրիլի 22-ի հրամանագրերով վերաքննիչ քրեական և Գեղարքունիքի մարզի դատարաններում դատավորներ են նշանակվել:

Այսպես, Ադրինե Ղուկասյանը նշանակվել է վերաքննիչ քրեական դատարանի դատավոր, իսկ Կարեն Հակոբյանը՝ Գեղարքունիքի մարզի առաջին ատյանի ընդհանուր իրավասության դատարանի դատավոր:

ՀՀ նախագահ Վահագն Խաչատուրյանի ապրիլի 8-ի հրամանագրերով վերաքննիչ հակակոռուպցիոն և Արագածոտնի մարզի դատարաններում դատավորներ են նշանակվել:

Այսպես, Անի Մարտիրոսյանը և Ժենյա Մելիքսեթյանը նշանակվել են վերաքննիչ հակակոռուպցիոն դատարանի դատավորներ, իսկ Ժենյա Նազարյանը՝ Արագածոտնի մարզի առաջին ատյանի ընդհանուր իրավասության դատարանի դատավոր:

Այսօր երեկոյան սկսվում է Սուրբ Հարության տոնը՝ Զատիկը, եկեղեցիներում մատուցվում է ճրագալույցի Սուրբ պատարագ: Պատարագի արարողությամբ եզրափակվում է Տիրոջ չարչարանքների շաբաթը, որի ավարտին ազդարարվում է Փրկչի հրաշափառ Հարության ավետիսը և ավարտվում Մեծ Պահքը:

 «Քրիստոս յարեաւ ի մեռելոց, Օրհնեալ է Յարութիւնն Քրիստոսի»:

ՀՀ նախագահ Վահագն Խաչատուրյանի մարտի 27-ի հրամանագրով Սյունիքի մարզում դատավոր է նշանակվել:

Այսպես, Դավիթ Օհանյանը նշանակվել է Սյունիքի մարզի առաջին ատյանի ընդհանուր իրավասության դատարանի դատավոր:

ՀՀ նախագահ Վահագն Խաչատուրյանի մարտի 25-ի հրամանագրերով դատավորներ են նշանակվել:

Այսպես, Արթուր Մկրտչյանը նշանակվել է Սյունիքի մարզի առաջին ատյանի ընդհանուր իրավասության դատարանի դատավոր, Վահե Ջիվանյանը նշանակվել է Երևան քաղաքի առաջին ատյանի ընդհանուր իրավասության քրեական դատարանի դատավոր, իսկ Օքսանա Դիլբանդյանը՝ ՀՀ վարչական դատարանի դատավոր:

Այլ հոդվածներ …