Ամսագրի ամբողջական համարը

1. Արմեն Ասատրյան - ««Քաղաքացիական հասարակություն» կատեգորիայի իմաստավորումն իրավունքի գերակայության լույսի ներքո»,

2. Ռաֆայել Վարդանյան, Արմեն Շուքուրյան - «Ռոմանագերմանական (մայրցամաքային) իրավական ընտանիքի ընդհանուր բնութագիրը և առանձնահատկությունները», 

3. Տիրուհի Ասլանյան - «Մոր և մանկան շահերի պաշտպանության միջազգային և ներպետականիրավական նորմերի վերլուծություն», 

4. Նորայր Ավագյան - «Առանձին տեսակի վարչական վարույթների իրավականության ընդհանուր չափորոշիչները»,

5. Մանե Կարապետյան - «Աշխատանքային պայմանագրի լուծումը՝ աշխատողի կողմից զբաղեցրած պաշտոնին մասնագիտական ունակությունների անբավարարության պատճառով չհամապատասխանելու հիմքով», 

6. Лусине Тадевосян - "Проблемы обращения взыскания на заложенные исключительные правадолжника при процедуре банкротства в РА и РФ", 

7. Արա Զոհրաբյան -  «Դատական քննության ժամկետները պատվի, արժանապատվության և գործարար համբավի պաշտպանության գործերով»,

8. Կարապետ Սմբատյան - «Մի քանի նկատառում­ներ՝ ՀՀ իրավական համակարգ ներդրված իրավաբանական անձանց քրեական պատասխանատվության ինստիտուտի վերաբերյալ»,

9. Մարթա Մելիքսեթյան -  «Բռնության ենթարկված երեխաների իրավունքների պաշտպանության ոլորտում ՀՀ ոստիկանության անչափահասների գործերով և ընտանիքում բռնության կանխարգելման ստորաբաժանում­ների և խնամակալության և հոգաբարձության մարմինների համագործակցության կատարելագործման ուղիները», 

10. Ադելինա Սարգսյան -«Ժամանակակից կենսաբժշկական տեխնոլոգիաների քրեաիրավական կարգավորման անհրաժեշտության որոշ հիմ­նահարցեր Ժամանակակից կենսաբժշկական տեխնոլոգիաների քրեաիրավական կարգավորման անհրաժեշտության որոշ հիմ­նահարցեր», 

11. Ազատ Բագրատյան - «Արտավարութային փաստաթղթերի վերածվելու օպերատիվ-հետախուզական գործունեության արդյունքների հեռանկարները»,

12. Նաիրա Շահինյան  - «Բացառման կանոնի բացառությունները ոչ իրավաչափ ձերբակալման համատեքստում»,

13. Արմեն Հայկյանց  - «Դատարանների կողմից օտարերկրյա օրենքի բովանդակության պարզաբանման մի քանի գործնական հարցեր»,

14. Գոռ Հովհաննիսյան -«Եվրոպական իրավունք (մաս II) – իրավունքի աղբյուրներն ու իրավաստեղծումը միութենական իրավունքում»:

2019 թվականի սեպտեմբերի 15-19-ը Ղազախստանի մայրաքաղաք Նուր-Սուլթանում տեղի է ունեցել Դատավորների միջազգային միության տարեկան 62-րդ համաժողովը, որին մասնակցել է նաև ՀՀ դատավորների միության պատվիրակությունը: Պատվիրակության կազմում են եղել ՀՀ վերաքննիչ քաղաքացիական դատարանի դատավորներ Գագիկ Խանդանյանը և Մարգարիտա Հարթենյանը:

Համաժողովի ընթացքում քննարկվել են դատավորների և դատական իշխանության անկախության ամրապնդմանն առնչվող մի շարք հարցեր: Դատավորների միջազգային միության չորս ուսումնական հանձնաժողովների նախագահները ներկայացրել են ուսումնասիրված թեմաների վերաբերյալ եզրակացությունները: Մասնավորապես առաջին ուսումնական հանձնաժողովի ուսումնասիրության թեման էր «Սոցիալական մեդիան և դատական համակարգը», երկրորդ ուսումնական հանձնաժողովինը՝ «Դատավարության ֆինանսավորման մեծ ու փոքր խնդիրները», երրորդինը՝ «Լրատվամիջոցները քրեական գործերում. դատավարությունների ամբողջականության պաշտպանությունը և հաղորդակցությունը լրատվամիջոցների հետ», իսկ չորրորդինը՝ «Լայն իմաստով զգայական-բարոյական և սեքսուալ ոտնձգությունները և դրանց հետևանքներն աշխատանքային հարաբերություններում»:

Համաժողովի ընթացքում քննարկման առարկան են դարձել անդամ միությունների դատական համակարգերին առնչվող հարցերը, մասնավորապես՝ Լեհաստանի և Թուրքիայի դատական համակարգերում տիրող իրավիճակն ու այդ կապակցությամբ Դատավորների միջազգային ու եվրոպական միությունների կողմից ձեռնարկված միջոցառումները: Քննարկվել են նաև դատական համակարգում կոռուպցիայի դեմ պայքարին վերաբերող հիմնահարցերը, Դատավորների միջազգային միության կանոնադրության որոշ դրույթների փոփոխման վերաբերյալ հարցերը, Դատավորների միջազգային միության բյուջեին առնչվող հարցերը, Դատավորների միջազգային և եվրոպական միությունների հետագա համագործակցության շրջանակները, ինչպես նաև այլ ընթացիկ հարցեր:

Համաժողովի ընթացքում որոշվել է Դատավորների միջազգային միության հաջորդ՝ 2020 թվականի տարեկան համաժողովն անցկացնել Կոստա Ռիկայում, իսկ 2021 թվականի տարեկան համաժողովը՝ Թել Ավիվում: