Հրապարակվել է Եվրոպական դատավորների խորհրդատվական խորհրդի (ԵԴԴԽ) «Դատավորների միությունների դերը դատական իշխանության անկախությանն աջակցելու գործում» խորագրով 23-րդ կարծիքը:

Հաշվի առնելով կարծիքի կարևորությունը և այն հանգամանքը, որ այն համապարփակ ձևով շոշափում է դատավորների միությունների դերն ու նշանակությունը` ՀՀ դատավորների միությունը ձեռնամուխ է եղել կարծիքի ոչ պաշտոնական թարգմանությանն ու հրապարակմանը:

Միևնույն ժամանակ սույն կարծիքի պատրաստման գործում լուրջ ներդրում է ունեցել Դատավորների եվրոպական միությունը, որին ՀՀ դատավորների միությունն անդամակցում է դեռևս 2005 թվականից:

Ստորև ներկայացվում է կարծիքի հայերեն թարգմանված տարբերակը, ինչպես նաև կարծիքի անգլերեն տարբերակը:

«Աջակցություն քրեական արդարադատության բարեփոխումներին և եվրոպական չափանիշների կիրառման ներդաշնակեցում Հայաստանում» ծրագրի շրջանակներում լույս է տեսել ՀՀ դատավորների միության գործադիր տնօրեն, իրավաբանական գիտությունների դոկտոր, պրոֆեսոր, ԵՊՀ քրեական դատավարության և կրիմինալիստիկայի ամբիոնի պրոֆեսոր Վահե Ենգիբարյանի հեղինակած «Հարցաքննության տեխնիկա և հաղորդակցման կառավարում» խորագրով ձեռնարկը: Վերոնշյալ ծրագրի շրջանակներում լույս են տեսել նաև սույն խորագրերով ձեռնարկները` «Այլընտրանքային խափանման միջոցների կիրառման գործնական հմտություններ» (հեղինակ` ՀՀ վերաքննիչ քրեական դատարանի դատավոր, ի.գ.թ., դոցենտ Արսեն Նիկողոսյան), «Դատական ակտերի մշակման հմտություններ» (հեղինակ` Եվրոպայի խորհրդի փորձագետ Արա Ղազարյան), «Տուժողի կարգավիճակի առանձնահատկությունները քրեական դատավարությունում» (հեղինակ` ի.գ.թ., դոցենտ Դավիթ Թումասյան), «Հակընդդեմ հարցման հիմնախնդիրները քրեական դատավարությունում» (Եվրոպայի խորհրդի փորձագետ Արա Ղազարյան):

Վերոնշյալ ձեռնարկների էլեկտրոնային տարբերակները հասանելի են հետևյալ հղումով` https://www.coe.int/hy/web/yerevan/support-to-the-judicial-reform-supporting-the-criminal-justice-reform-and-harmonising-the-application-of-european-standards-in-armenia : 

Սիրով տեղեկացնում ենք, որ «Աջակցություն քրեական արդարադատության բարեփոխումներին և եվրոպական չափանիշների կիրառման ներդաշնակեցում Հայաստանում» ծրագրի շրջանակներում Եվրոպայի խորհրդի և Եվրոպական միության կողմից իրականացված Մարդու իրավունքների եվրոպական կոնվենցիայի 5-րդ (ազատության և անձեռնմխելիության իրավունք), 6-րդ (արդար դատաքննության իրավունք. քրեաիրավական հայեցակետ), 7-րդ (պատիժ` բացառապես օրենքի հիման վրա) և թիվ 7 Արձանագրության 4-րդ (կրկին անգամ չդատվելու և չպատժվելու իրավունք) հոդվածների առնչությամբ Մարդու իրավունքների եվրոպական դատարանի նախադեպային իրավունքների ուղեցույցների հայերեն թարգմանված տարբերակները տրամադրվել են նաև ՀՀ դատավորների միությանն ու առկա են ՀՀ դատավորների միության գրադարանում:

Անցած հունվարի 30-ին աննախադեպ նախաձեռնության սահմաններում Դատավորների եվրոպական միության նախագահը Եվրոպայի միության գերագույն դատարանների նախագահների ցանցի նախագահ պարոն Ժան-Քլոդ Վիվինիուսի, Լյուքսեմբուրգի Գերագույն դատարանի նախագահի, Դատական համակարգի խորհրդի եվրոպական ցանցի նախագահ պարոն Քիզ Սթերքի և Նիդերլանդների դատական համակարգի խորհրդի անդամի հետ միասին ունեցել է երկու առանձին հանդիպում Արժեքների և թափանցիկության եվրոպական հանձնաժողովի փոխնախագահ տիկին Վերա Ժուրովայի և Արդարադատության հանձնակատար պարոն Դիդյե Ռեյնդերսի հետ։

Հանդիպումը տեղի է ունեցել Եվրոպական հանձնաժողովի գրասենյակում՝ Բրյուսելում։

Հանձնակատարների կոլեգիայի անդամների հետ այս հանդիպումների համար հավաքված Եվրոպայում Դատավորների եվրոպական ցանցի երեք գլխավոր ներկայացուցիչների դեպքերը հարուցում են լուրջ անհանգստություն, որը խորապես կիսում են Եվրոպական դատավորները՝ նկատի ունենալով Եվրոպական միության մի շարք անդամ-պետություններում դատավորների անկախության ոտնահարումը՝ կապված վերջերս Լեհաստանում տեղի ունեցած սարսափելի օրինակի հետ։

Հանձնակատարների հետ հանդիպումները ստեղծել են հիանալի հնարավորություն բավականին ընկերական մթնոլորտում բաց քննարկելու օրենքի գերակայության ճգնաժամը ստեղծված ցավալի իրադրությունը փոխելու գործում։ Հանդիպումներն ուղեկցվել են Եվրոպական հանձնակատարների անձնական մտահոգությունների քննարկմամբ տվյալ օրհասական խնդրի շուրջ, դրսևորվել է նրանց պատրաստակամությունը հետևել Եվրոպական միության համաձայնագրի 2-րդ հոդվածով ամրագրված հիմնարար սկզբունքներին:

Ապագայի առթիվ եկել են համաձայնության, որ պետք է ամրապնդվի համագործակցությունը Եվրոպական հանձնաժողովի և մեկում կոորդինացված մեր երեք ցանցերի միջև՝ Եվրոպական միության բոլոր անդամ-պետություններում դատական համակարգի անկախությունը հստակ երաշխավորելու նպատակով։

Դատավորների եվրոպական միությունը վերահաստատում է իր մտադրությունն ապահովելու օրենքի գերակայությունը ներկայիս բարդ իրավիճակում և հստակ հաստատում է, որ առանց դատական անկախության ապահովման Եվրոպական միությունը որպես այդպիսին կդադարի գոյություն ունենալ:

Ստորև ներկայացվում է Դատավորների միջազգային միության կայքում տեղադրված սույն ուղերձի հղումը՝ https://www.iaj-uim.org/news/statement-of-the-president-of-eaj-and-the-rule-of-law/ :