ՀՀ նախագահ Վահագն Խաչատուրյանի դեկտեմբերի 7-ի հրամանագրերով դատավորներ են նշանակվել:

Այսպես, Սերգեյ Մարաբյանը նշանակվել է Վճռաբեկ դատարանի հակակոռուպցիոն պալատի կոռուպցիոն հանցագործությունների քննության դատական կազմի դատավոր, Շուշան Ղազարյանը՝ Արարատի և Վայոց ձորի մարզերի առաջին ատյանի ընդհանուր իրավասության դատարանի դատավոր, իսկ Սամվել Բաբայանը, Թաթուլ Ղուկասյանը և Արմինե Թումասյանը նշանակվել են Երևան քաղաքի առաջին ատյանի ընդհանուր իրավասության քաղաքացիական դատարանի դատավորներ:

ՀՀ նախագահ Վահագն Խաչատուրյանը դեկտեմբերի 6-ին հրամանագրեր է ստորագրել ՀՀ վերաքննիչ հակակոռուպցիոն և Արմավիրի մարզի առաջին ատյանի ընդհանուր իրավասության դատարանների նախագահներ նշանակելու վերաբերյալ:

Այսպես, Վերաքննիչ հակակոռուպցիոն դատարանի հակակոռուպցիոն քաղաքացիական գործերով մասնագիտացմամբ դատավոր Գոռ Հարությունյանը նշանակվել է Վերաքննիչ հակակոռուպցիոն դատարանի նախագահ՝ երեք տարի ժամկետով:

Նախագահի մեկ այլ հրամանագրով՝ Արմավիրի մարզի առաջին ատյանի ընդհանուր իրավասության դատարանի դատավոր Գոհար Ֆիդանյանը նշանակվել է Արմավիրի մարզի առաջին ատյանի ընդհանուր իրավասության դատարանի նախագահ՝ երեք տարի ժամկետով:

Հարգելի՛ փաստաբաններ,

ՀՀ դատավորների միությունը շնորհավորում է ձեզ մասնագիտական օրվա առթիվ: Բոլոր ժամանակներում փաստաբանները եղել են հասարակության բարեփոխման և պետականության պաշտպանության առաջնագծում: Փաստաբանների կարևոր դերը քաղաքացիական հասարակության զարգացման և ընկալման գործում դժվար է գերագնահատել:

Այդ կապակցությամբ մաղթում ենք, որ վստահության վրա հիմնված ձեր աշխատանքը միշտ արժանվույնս գնահատվի, և փաստաբանությունը զարգանա ի նպաստ բոլորիս:

ՀՀ նախագահ Վահագն Խաչատուրյանի դեկտեմբերի 4-ի հրամանագրերով Վճռաբեկ դատարանի վարչական պալատի նախագահ և Վերաքննիչ հակակոռուպցիոն դատարանի դատավորներ են նշանակվել:

Այսպես, Վճռաբեկ դատարանի վարչական պալատի դատավոր Հովսեփ Բեդևյանը նշանակվել է Վճռաբեկ դատարանի վարչական պալատի նախագահ՝ վեց տարի ժամկետով:

Երևան քաղաքի առաջին ատյանի ընդհանուր իրավասության քաղաքացիական դատարանի դատավորներ Հայարփի Զարգարյանը և Հովիկ Շահնազարյանը նշանակվել են Վերաքննիչ հակակոռուպցիոն դատարանի հակակոռուպցիոն քաղաքացիական գործերի քննության մասնագիտացմամբ դատավորներ:

ՀՀ նախագահ Վահագն Խաչատուրյանի նոյեմբերի 17-ի հրամանագրով Գեղարքունիքի մարզի դատարանում ևս մեկ դատավոր է նշանակվել:

Այսպես, Արթուր Աղամալյանը նշանակվել է Գեղարքունիքի մարզի առաջին ատյանի ընդհանուր իրավասության դատարանի դատավոր:

ՀՀ նախագահ Վահագն Խաչատուրյանի նոյեմբերի 9-ի հրամանագրերով Գեղարքունիքի մարզում և Վերաքննիչ քերական դատարանում դատավորներ են նշանակվել:

Այսպես, Մարտին Մանուչարյանը նշանակվել է Գեղարքունիքի մարզի առաջին ատյանի ընդհանուր իրավասության դատարանի դատավոր, իսկ Երևան քաղաքի առաջին ատյանի ընդհանուր իրավասության քրեական դատարանի դատավոր Վաչե Մարգարյանը՝ Վերաքննիչ քրեական դատարանի դատավոր:

Այլ հոդվածներ …