2022 թվականի «HelpCourt» դատավորների վարկանիշավորման գործընթացն ավարտվել է, և «Թափանցիկ ձեռք 2022» մրցանակը հանձնվել 2022 թվականի արդյունքներով փաստաբանների կողմից ամենաբարձր վարկանիշի արժանացած Երևան քաղաքի առաջին ատյանի ընդհանուր իրավասության դատարանի դատավոր Արման Համլետի Հովհաննիսյանին:

ՀՀ դատավորների միությունը շնորհավորում է Երևան քաղաքի առաջին ատյանի ընդհանուր իրավասության դատարանի դատավոր Արման Հովհաննիսյանին՝ «Թափանցիկ ձեռք 2022» մրցանակին արժանանալու կապակցությամբ:

ՀՀ Նախագահ Վահագն Խաչատուրյանի դեկտեմբերի 23-ի հրամանագրերով Վճռաբեկ դատարանում դատավորներ են նշանակվել:

Այսպիսով, Դավիթ Վեքիլյանը նշանակվել է Վճռաբեկ դատարանի հակակոռուպցիոն պալատի կոռուպցիոն հանցագործությունների քննության դատական կազմի դատավոր:

Արման Թովմասյանը նշանակվել է Վճռաբեկ դատարանի վարչական պալատի դատավոր, իսկ Արման Կուրեխյանը՝ Վճռաբեկ դատարանի հակակոռուպցիոն պալատի քաղաքացիական գործերի քննության դատական կազմի դատավոր:

ՀՀ նախագահ Վահագն Խաչատուրյանի դեկտեմբերի 19-ի հրամանագրով ՀՀ դատավորների միության գործադիր տնօրեն Վահե Ենգիբարյանին շնորհվել է վաստակավոր իրավաբանի պատվավոր կոչում:

«Իրավագիտության զարգացման, իրավակարգի և օրինականության ամրապնդման գործում ունեցած վաստակի համար Ազգային անվտանգության ծառայության տնօրենի խորհրդական Վահե Գուրգենի Ենգիբարյանին շնորհել Հայաստանի Հանրապետության վաստակավոր իրավաբանի պատվավոր կոչում»,- նշվում է հրամանագրում:

ՀՀ Նախագահ Վահագն Խաչատուրյանի դեկտեմբերի 19-ի հրամանագրերով Հայաստանի Հանրապետության մարզերի դատարաններում դատավորներ են նշանակվել:

Այսպիով, Սյուզաննա Պողոսյանը, Ժենյա Նազարյանը և Գոհար Գրիգորյանը նշանակվել են Գեղարքունիքի մարզի առաջին ատյանի ընդհանուր իրավասության դատարանի դատավորներ:

Ալլա Քյուրքչյանը և Անի Երիջանյանը նշանակվել են Շիրակի մարզի առաջին ատյանի ընդհանուր իրավասության դատարանի դատավորներ:

Արտուր Հարությունյանը և Գուրգեն Քոթանջյանը նշանակվել են Սյունիքի մարզի առաջին ատյանի ընդհանուր իրավասության դատարանի դատավորներ:

Միքայել Գրիգորյանը և Գոհար Կոստանյանը նշանակվել են Արարատի և Վայոց ձորի մարզերի առաջին ատյանի ընդհանուր իրավասության դատարանի դատավորներ:

Նարինե Անանյանը նշանակվել է Տավուշի մարզի առաջին ատյանի ընդհանուր իրավասության դատարանի դատավոր, իսկ Էդգար Մանասյանը՝ Արմավիրի մարզի առաջին ատյանի ընդհանուր իրավասության դատարանի դատավոր: