Զատիկ, զատում, բաժանում, հեռացում մեղքերից և վերադարձ առ Աստված: Հայ Առաքելական Ս. Եկեղեցին տոնում է 5 տաղավար տոներից՝ Հիսուս Քրիստոսի հրաշափառ Հարության տոնը, որին նախընթաց երեկոյան եկեղեցիներում մատուցվում է Ճրագալույցի Սուրբ պատարագ, ապա սկսվում են զատկական տոնակատարությունները:

«Քրիստոս Յարեաւ ի մեռելոց»: Այս ավետիսով Զատկի տոնին հավատացյալները ողջունում են միմյանց և ի պատասխան հնչում է՝ «Օրհնեալ է Յարութիւնն Քրիստոսի»: