Շիրակի մարզից 4 դատավոր տեղափոխվել են Երևան

ՀՀ նախագահ Վահագն Խաչատուրյանի հունվարի 23-ի հրամանագրերով Շիրակի մարզից 4 դատավոր տեղափոխվել են Երևան քաղաքի առաջին ատյանի ընդհանուր իրավասության քրեական դատարան, ևս մեկ դատավոր էլ նշանակվել է Սյունիքի մարզում:

Այսպիսով, Շիրակի մարզի առաջին ատյանի ընդհանուր իրավասության դատարանի դատավորներ Էդուարդ Մկրտչյանը, Ռոման Սմբատյանը, Տիգրան Ոսկանյանը և Արամայիս Ասատրյանը նշանակվել են Երևան քաղաքի առաջին ատյանի ընդհանուր իրավասության քրեական դատարանի դատավորներ, իսկ Հայկ Աղաքարյանը նշանակվել է Սյունիքի մարզի առաջին ատյանի ընդհանուր իրավասության դատարանի դատավոր: