Հրապարակվել է ՄԱԿ-ի հատուկ զեկուցող պարոն Դիեգո Գարսիա-Սայանի` դատավորների և փաստաբանների անկախության վերաբերյալ զեկույցը: Զեկույցը նվիրված է COVID-19 համավարակի պայմաններում արդարադատության իրականացմանը և համավարակի արդյունքում առաջ եկած մարտահրավերներին:  Մարդու իրավունքների խորհրդի 44/8 բանաձևին համապատասխան` զեկույցում ՄԱԿ-ի հատուկ զեկուցողն անդրադառնում է աշխարհի տարբեր երկրների դատական համակարգերին ու դրանց անկախության, արդարադատության մատչելիության վրա COVID-19 համավարակի ազդեցությանը: Արդարադատության մատչելիության, թափանցիկ ու անկախ դատական համակարգի երաշխավորման համար նպատակ ունենալով օժանդակել պետական մարմիններին` զեկույցում ներկայացված են համապատասխան առաջարկություններ:

Հարկ է նշել, որ ՀՀ դատավորների միությունը, ի թիվս մի շարք այլ երկրների դատավորների միությունների, Դատավորների միջազգային միության անդամակցության շրջանակներում ակտիվորեն մասնակցել և իր մեծագույն ներդրումն է ունեցել զեկույցի պատրաստման աշխատանքներին:

Ստորև ներկայացվում է զեկույցի հղումը ռուսերեն  (https://www.undocs.org/ru/A/HRC/47/35), անգլերեն  (https://www.undocs.org/en/A/HRC/47/35) և ֆրանսերեն (https://www.undocs.org/fr/A/HRC/47/35) լեզուներով: