Որեւէ դատավորի ձեռնտու չէ դատական նիստերն արհեստականորեն ձգձգել, քանի որ նրա մոտ առաջանում է սոցիալական ապահովության խնդիր՝ դրանից բխող բոլոր հետեւանքներով. արտաժամյա աշխատանք, ֆիզիկական, հոգեկան լարվածություն, նյութատեխնիկական լրացուցիչ ծախսեր եւ այլն: Դատավորների թիվը պետք է ավելացնել, բայց դա բավարար չէ դատարանները բեռնաթափելու համար. պետք է օրենսդրորեն ամրագրել դատավորների ծանրաբեռնվածության սահմանման եւ վերաբաշխման խնդիրները, անցնել էլեկտրոնային արդարադատության, մասնավորապես, փոստային առաքումները փոխարինել էլեկտրոնային ծանուցմամբ, հնարավորինս լայն կիրառել հաշտարարության ինստիտուտը, վեճերի լուծման այլընտրանքային (արտադատարանական) տարբերակները:

Այս եւ այլ առաջարկություններ ՀՀ դատավորների միության գործադիր տնօրեն, իրաբանական գիտությունների դոկտոր, պրոֆեսոր Վահե Ենգիբարյանը ներկայացրել է «Արմենիա» հեռուստաընկերության «Սուր անկյուն» հաղորդաշարի լրագրող Արմեն Աթալյանին՝ դատաիրավական բարեփոխումների մասին ռեպորտաժի համար:

Ռեպորտաժն ամբողջությամբ ներկայացնում ենք ձեր ուշադրությանը: